საერთაშორისო სამეცნიერო კონფერენცია

კონფერენციაში მონაწილეობის განაცხადი

1. კონფერენციაში შესაძლებელია მონაწილეობა მოხსენების გარეშეც.
2. ნებისმიერ შემთხვევაში განაცხადი მონაწილეობაზე (მოხსენებით თუ მოხსენების გარეშე) ორგკომიტეტში წარდგენილი უნდა იყოს არაუგვიანეს 2015 წლის 5 სექტემბრისა.
3. პუბლიკაციისათვის მოხსენების შემოკლებული ვერსია ორგკომიტეტს უნდა გადაეცეს არაუგვიანეს 2015 წლის 5 ოქტომბრისა.

მნიშვნელოვანი თარიღები

1. მონაწილეობაზე განაცხადის წარდგენა 2015 წლის 5 სექტემბრამდე.
2. პუბლიკაციისათვის (ინგლისურ, ქართულ ან რუსულ ენაზე) მოხსენების შემოკლებული ვერსია გამოაგზავნეთ ელექტრონულ მისამართზე: ict-mc2015@gtu.ge 2015 წლის 5 ოქტომბრამდე (შაბლონის მიხედვით, არაუმეტეს 6 გვერდისა). მოხსენება, რომელიც არ იქნება წარმოდგენილი ვადაში ან შაბლონის ზუსტი დაცვით, არ განიხილება. მოხსენების ტექსტის წარმოდგენა დასაბეჭდად გულისხმობს, რომ კონფერენციაზე მოხსენების ტექსტს მხოლოდ ერთ–ერთი ავტორი აგზავნის.
3. მოხსენების მიღების თაობაზე ავტორს შეატყობინებენ 2015 წლის 10 ოქტომბრამდე.
4. სრული ტექსტის წარმოდგენის ვადა კონფერენციის რჩეულ შრომებში დასაბეჭდად (საგამომცემლო სახლი Nova Science Publishers, აშშ) 2015 წლის 5 დეკემბრამდეა (მხოლოდ ინგლისურ ენაზე, შაბლონით, მაქსიმუმ 15 გვერდი).

პუბლიკაციის ეთიკის პრინციპები

1. საავტორო უფლებები: ხელნაწერის წარდგენის შემდეგ, მასზე საავტორო უფლება გადაეცემა საქართველოს ტექნიკურ უნივერსიტეტს. საქართველოს ტექნიკურ უნივერსიტეტს ხელნაწერი შეუძლია გამოაქვეყნოს თავის შეხედულებისამებრ. ავტორს ეკრძალება ამ პუბლიკაციის წარდგენა არა მარტო სხვაგან, არამედ საქართველოს ტექნიკური უნივერსიტეტის სხვა გამოცემებშიც.
2. მონაწილის რეგისტრაცია: ხელნაწერის წარდგენის შემდეგ, ავტორებიდან ერთ-ერთი მაინც უნდა გამოცხადდეს და დაესწროს კონფერენციას.
3. კოლეგიური რეცენზირება: ყველა წარმოდგენილი სტატია მკაცრ რეცენზირებას გაივლის კოლეგიაზე. სტატია სარეცენზიოდ გადაეცემა ორ საერთაშორისო რეცენზენტს მაინც, რომლებიც სტატიის კონკრეტული საკითხების ექსპერტები არიან.
4. რეცენზირების სახელმძღვანელო პრინციპებია: აქტუალურობა, სიცხადე, სანდოობა, დასაბუთება, ორიგინალურობა, ენობრივად და სტილისტურად გამართულობა.
5. შესაძლო გადაწყვეტილებებია: მოწონება, გამოქვეყნება აუცილებელი ცვლილებების გათვალისწინების შემდეგ ან უარის თქმა.
6. თუ სტატიას ავტორს დაუბრუნებენ გასასწორებლად და იგი კვლავ წარმოადგენს მას გასწორებული სახით, მაინც არ არის იმის გარანტია, რომ გასწორებული სტატია გამოქვეყნდება.
7. დაწუნებული სტატია ხელმეორედ არ განიხილება.
8. სტატიას კოლეგია არ განიხილავს, თუ მისი შინაარსი არ შეესაბამება კონფერენციის თემატიკას.
9. სტატის განხილვისას მხედველობაში მიიღება ისეთი სამართლებრივი შეზღუდვები, როგორიცაა საავტორო უფლებების დარღვევა, პლაგიატი, ბეზღობა.
10. რეცენზენტი ხელნაწერს აფასებს მისი შინაარსისა და არა ავტორის რასის, სქესის, ეროვნების, რელიგიური მრწამსის, სექსუალური ორიენტაციის, მოქალაქეობის, სამსახურებრივი მდგომარეობის, პოლიტიკურ-ფილოსოფიური მსოფლხედვის მიხედვით.
11. თანამშრომლებმა არავის უნდა გაუმხილონ წარმოდგენილ ხელნაწერზე რაიმე ინფორმაცია, გარდა ავტორისა, სხვა სარედაქციო რეფერენტისა, რეცენზენტისა და გამომცემლისა, ისიც აუცილებელ შემთხვევაში.
12. რეცენზირება უნდა იყოს ობიექტური. ავტორის პიროვნული კრიტიკა დაუშვებელია. რეცენზენტის შეფასება უნდა იყოს მკაფიოდ დასაბუთებული.
13. კოლეგიალური რეცენზია გამომცემელს ხელს უწყობს გადაწყვეტილების მიღებისას და ექსპერტებთან სარედაქციო ურთიერთობით შეუძლია გაუწიოს ავტორს დახმარება სტატიის გასაუმჯობესებლად.
14. რეცენზირებისათვის მიღებული ხელნაწერი მუშავდება როგორც კონფიდენციალური დოკუმენტი და განსახილველად გადაეცემა ანონიმურ თანამშრომლებს.
15. რეცენზენტმა გამომცემელს უნდა შეატყობინოს ხელნაწერის ნებისმიერი არსებითი მსგავსების ან დამთხვევის შესახებ, მისთვის ცნობილ სხვა გამოქვეყნებულ სტატიასთან.
16. ხელნაწერის ავტორმა უნდა წარმოადგინოს ზუსტი ინფორმაცია ნაშრომის, აგრეთვე ობიექტური დასაბუთება მისი სამეცნიერო ღირებულების შესახებ.
17. სტატიაში დაწვრილებით უნდა იყოს მითითებული წყაროები, რომ სხვა მკითხველსაც ჰქონდეს ნაშრომის აღწარმოების შესაძლებლობა. ყალთაბანდური ან შეგნებულად არაზუსტი გადმოცემა არის არაეთიკური საქციელი და დაუშვებელია.
18. ავტორმა უნდა დაარწმუნოს გამომცემელი, რომ მისი ნაშრომი არის ორიგინალური, ხოლო თუ მან გამოიყენა სხვათა მიერ შესრულებული კვლევები და/ან ფრაზები, მაშინ ისინი ციტირებული ან ბრჭყალებში უნდა იყოს ჩასმული.
19. ერთი და იმავე ხელნაწერის წარდგენა სხვა გამოცემაში პუბლიკაციისათვის არაეთიკური და დაუშვებელია.
20. ავტორთა ჩამონათვალში ჩართული უნდა იყვნენ მხოლოდ ის პირები, რომლებმაც მნიშვნელოვანი წვლილი შეიტანეს კონცეფციის, დაპროექტების, წარმოდგენილი კვლევის შესრულებასა და ინტერპრეტაციაში.
21. პროექტის მხარდაჭერა უნდა იყოს გამჭვირვალე − პუბლიკაციაში უნდა აისახოს კვლევის დაფინანსების ყველა წყარო, მათ შორის არაპირდაპირიც (დანადგარებით, მასალებით უზრუნველყოფა და სხვ.).